Mõtsawaht Joseph Mauring kaebas et sel 25 Junil s.a. ollewad mõisa mõtsast raggutu ja ärraweetu 2 kõiwi a' 6 tolli palks, 18 jalga pikk ja 2 kõiwo 7 tolli paks ja 18 jalga pikk, nüid ollewad temma tunnistaja Hans Jerw läbbi teada saanud, et abimõtsa waht Hans Mael neid puid raggunu, ehk lasknu teisel ragguda, nõuab et Hans Mael neide kõiwu eest peas wastutama. 

Hans Mael tulli ette ja wastap ütte ärrakooritu kaiwo ollen minna kül raggunu, aga neist teisest ei tia minna middagi. 

Tunnistaja Hans Jerw ütlep sel 25 Junil päiwa minneki pääle tulli minna Arrolast, siis näggin minna et üts hobbene kõiwo haggu ja puie kormaga saisi Hans Mael murru pääle, Hans Mael essi ja Matsa tallo perremees saisiwa manu ja aijasi juttu.

Mõistus: Tunnistaja wälja ütlemisse perra peab abimõtsawaht Hans Mael neide 4 kõiwo eest wastotama, ehk selge teadmist andma kus na om jäänud, ehk peap masma 2 Rubla 28 Cop õb trahwi se raha summa olgo 2 neddeli seen ärra mastu, mõtsawahi Joseph Mauring kätte.

Mõistus saije kuulutedus §773 selletamissega.