Mõtsawaht Joseph Mauring kaebas et sel 28 Augusti s.a. Mähä tallo Karl Zacharias karjus mõisa kasso mõtsa seen olnu, 8 suur elaja ja 26 lambit.

Mõtsawaht nõuab et Karl Zacharias seaduse perra trahwi pea masma, selle et ta keelatu kasso mõtsa seen elaja lasknu. 

Karl Zacharias tulli ette ja wastap, mul om kül nenda paljo ellaja karjan olnu, kui Mõtsawaht ülles annap ja ka mõni elaja ollewad ülle piiri mõtsa lännu, aga se es olle üttegi kasso mõts, sest wana suur mõtsa seen elaja middagi kurja es wõi tetta.

Mõtsawahi hobbene kaks korda olle wallale ja jooksi keik minno wilja nurmet läbbi ja kaera pääle wäherdanu se teggi mul paljo suuremb kahjo, kui minno elaja säält wanna suure mõtsa seen wõis kahjo tetta. 

Mõtsawaht ütlep minno hobbene es olle kunagi Mähä tallo nurme pääle wallale olnu.

Mõistus: Karl Zacharias selle et ta mõisa mõtsa seen oma ellaja om lasknu massap 1 Rubla kinni wõtmisse ja 1 Rubla mõtsa kahjo eest kokko 2 Rubla, se raha olgo 14 päiwa seen ärra mastus.

Mõistus saije kuulutedus §773 selletamissega. 

Mõtsawaht es olli rahol ja saije kirri kätta sel 25 Octobril 1877 aastal.