Peter Luig tulli ette ja kaebas et Jaan Tedder mitte temmal se aasta linna saag poolse ei taha anda, nenda kui minno naise emma Lies Partz om mul kewadel sedda lubbanud, minna, nõuan se poole tallo linna saag endele, nenda kui mul naise emma Lies Partz om lubbanud.

Jaan Tedder tulli ette ja wastap, Peter Luig olli minnewal aastal minno sullane ja saije 45 Rubla palka ja selle kaupa perra om ta ka eddasi sel aastal jäänud, perrasat wõtsi temma minno naise sässarat enda naisest ja tahap et minna omma tallo linna temmal pean pooles andma, sest minna ollen ütsinda tallo eest keik massod ja renti masnu ja ollen ka paljo rohkemb tööd tennu kui Peter Luig, sest Peter oma mengomees ja om mitto päiwa ärra wiitnu.

Lies Partz tulli ette ja wastap se olli kül minno käsk, et se aasta linna sahas pooles tettus.

Mõistus: Peter Luig peap se aasta palka Jaan Tedderi käest saama 45 Rubla õb. temma ja temma naise aasta orjuse eest, sest Peter Luigale ei olle üttegi õiguse endele poole linna nõuda, sest et temma üttegi massod tallo eest masnu ei olle. 

Mõistus saije kuulutedus §773 selletamissega.