Adam Kolk kaebas et Johan Päiw temma ostetu willa kraatzmisse massing 3 aastad om pruukinu ja üttegi ihri ei ka renti se eest masnu ei olle, Kolk nõuap 600 Rubla neide kolme aasta eest. Pääle sedda annap Adam Kolk kohto läbbi Johan Päiwal teada et tal tullewal Jürripäiwal temma platsist ärra peab minnema, sest Johan Päiw middagi kõrda ei piddawa temma müip haino ja õlgo platsist wälja ja se läbbi lähäp põld ja ka honet hukka, elomaja korstna ei olle Päiw keik aasta läbbi pühtma lasknu.

Johan Päiw tulli ette ja wastap, ne willa kraatzmisse massing ollen minna ostnu woi olla et Adam Kolk kül raha massi, aga se olli sest rahast mis minna temmal ollen lainanud, se perrast ei pruukii minna omma masinga eest Adam Kolkale üttegi renti massa. Se Ruusa weski platsi ollen minna Johan Kolka käest renti pääle wõtnu, aga mitte Adam Kolka käest, se perrast ei olle minnol Adam Kolkaga üttegi teggemist.

 Adam Kolk panti rechnungi ette et temma boodist keik kraami masinga tarwis om antus ja pääle weel paljo kraami ja ka raha Johan Päiw enda pruukmisse tarwis om temma käest rechnungi pääle wõtnu.

Johan Päiw wastap, woi olla et Kolka boodist rechnungi pääle kaupa wõetu om sedda ei tia minna mitte selletada, se peap essä selletama, sest minno essä Gusta Päiw om sedda kaupa wälja wõtnu.

Johan Päiw pandi omma kirjotetu rechnungi ette, et temmal Adam Kolka käest pääle 5000 Rubla raha nõuda om. 

Adam Kolk wastap minna ei olle ütte kopiko Johan Päiwa käest wõtnu, sest Johan Päiwal ei olle kunnagi raha olnu. 

Otsus: Johan Päiwale saije käsk antus et elomaja korstna olgo homen pühitu saama, aga keik müido asja jääp eddespiddi selletamisse al.