Michel Tarro ja Tanno Pütsepp tulliwa ette nink palsiwa alansaiswat lepingut sisse kirjotada kui nimelt:

1. Michel Tarro annap Tanno Pütseppale umast perisses ostetu Warkalli talo maast kolme wakka ala maad kooni selle elo otsani pruukmises, kele pääle Tanno Pütsep ka uma huune üles woip ehitada.

2. Tanno Pütsep massap selle maa eest ega aasta sel 1 Aprillil 5 rubla renti ette, ent kui Michel Tarro poig Jakob, kes nüüd Tanno Pütsepale kasu puias ära om kirjotedu, tegewast wäeteenistusest selle kasu poias kirjotamise läbi wabas peas jääma, sis jääp se ega aastane maapruukmise rent 5 rubl. kooni selle elo otsani masmata.

3. Perran Tanno Pütsepa surma saawa ne temast üles ehitedu hoone tema kasu poija Jakobi ehk selle säädusliku perrijide omanduses ilma ütteki tasomise nõudmiseta, ja se kolme wakamaa maad saap niisama Warkalli talo külge ära wõetus.

4. Peas Tanno Pütsep warguse ehk warguse wasta wõtmise perast kohtu trahwi ala sadama, sis um tema sellest rendi maa pruukmisest ilma ütteki kohtu käumiseta wallale, ja ne hoone saawa ilma ütteki tasumiseta selle kasu poia omanduses.

Rendile andja                            Rendile wõtja:

Mikli Tarro [allkiri]                    Tanno Pütsep XXX

Et seesinane leping mõllembile täwweste ette om loetu nink ära selletedu, ja nema sellele mõllemba ala kirjotanu, saap kohtu poolest selle kinnitamise man tunnistedus

päkohtumees Mihel Wreeman

kohtumees Hindrek Liiw

        "           Jakob Eiche

Kirjotj.: J.Kirrop