Mõtsa walitsuse eest tulli selle wolinik Jaan Tamm ette nink kaibas almsaiswide inemiste pääle, et nesama Laswa mõisa hoiumõtsast alam saiswat puid ära omma warastanu kui nimelt:

1. Peter Raudwassar 2 kõiwo, kellest 1 wiis tolli paks ja 3  1/2 süld pik ja tõine 6 tolli paks ja 4 süld pik.

2. Jaan Wreemann 2 kõiwo, kellest üts 8 tolli jämme ja 7 süld pik ja tõine  9 tolli jämme ja 8 süld pik

3. Peter Hollo 1 kõiw 5 tolli jämme ja 4 süld pik.

4. Johann Kütt 1 kõiw 5 tolli jämme ja 4 süld pik.

kelle üle ka wannutedu mõtsa waht Jakob Mõõk tunnistada woiwa, nõwwap seda kahjo katte kõrralitse hinnaga ära tasoda laske.

Peter Raudwassar ütel selle õige olewat, sest tema om häda perast wõtnu, ja mõtsa waht om ka ne puu ära wõtnu.

Johann Kütt es ütle mitte seda kõiwa mõisa mõtsast ragowat; ent Jaan Wreemann ja Peter Hollo lasiwa hennast haiguse perrast wabandata.

Wannutedu mõtsa waht Jakob Mõõk and tunnistust, et tema om kunni Kütti usaida jälgi mööda takan lännu, nink selle kõiwo sääl parsil leündu olewat.

Otsus: et Peter Raudwassar peap neide katte kõiwo eest 1 rubl. 26 kop. 14 päiwa sissen a dato mõtsa walituse hääs ära masma, ent et Johann Küttil ära raotu kõiwo üle ütteki tunnistust ei ole, sis teda sellest süüst priis tetta, ja Peter Hollo ja Jaan Wreemann sel 3 Webruaril tõine kõrd ette kutsu.

päkohtumees Mihkel Wreman [allkiri]

kohtumees Hindrek Liiw [allkiri]

abi    "          Peter Land [allkiri]

                     Kirjotj.: J.Kirrop