Kaibas Hans Saar Urwastest sel 1874 aastal ollew Wöörmünder Peter Hinn temma käest Anzla walla teejao silla parrandamise tarbis 3 paki päle kolm süld pikka, ja 8 tolli jämme lainuses wõtnu, nink lubbanu Peter Hinn temmale ne palki eige pea taggasi murretseta, nink ollew temma nende palgite perrast mitto jallakaigi tennu, ent ei olle weel mitte tännani ommi palgi kätte sanu, nink nõuwab temma Hans Saar omma waewa eest üts rubla, nink tõiselt ei ollew temmal nüüd ennamb neid palgi tarbis, nink nõuwab egga palgi päält 1 1/4 rubla tükki päält, ütte kokko omma waewa rahhaga 5 Rbl. 50 kop. 

Peter Hinn sai ette kutsutus nink kost et se küll õige om, et temma Hans Saare käest tol aastal 3 palgi walla silla tarbis wõtnu, ent ne palgi omma 2 1/2 süld pikka ja 5 tolli jämme olnu.

Otsus:

Peter Hinn peab Hans Saarele 3 palgi 8 tolli jämme ja 3 1/4 süld pik seni kunni selle süggitse teesädmiseni, taggasi wima, nink 1 Rbl. Hans Saarele waewa rahha masma. 

Peter Hinn om se rubla Hans Saarele ärra masnu ja ka palgi tasunu. 

Pääkohtomees Hiskias Tamberg XXX

Kohtomees Jaan Treumuth XXX

  "  Juk Hansi XXX

  "  Karl Koch XXX