Protokolli No 142 mano

Kutsmise pääle olliwa ette tulnu Jaan Wreemann ja Jaan Tubli oma eestkostjaga nink neide man saisja Tanno Palloweer ja wiimatse anniwa wastust, et tema mitte seda xxx xxx ära ei ole lõiganu, enge om kül ennegi 2 wäikest särki, mes joba ammuki wana, 1 hamme, 1 püksi ja ütte wana kübara ära toonu, mes ka ära lubasi anda.

Selle pääle es ütle kohtun käuja ennamb midagi ütlemist ollewat, sis

Mõisteti

et Jaan Tubli ehk ema neid ütten woetu roiwit mitte seeni ajani tagasi andnu ei olle, sis peap tema selle eest 2 Rbl. kahjo tasomist üliüldse Jaan Wreemanni hääs ära masma.

Se kohtu otsus saije kohtun käujile kuulutetus ja §§ 773, 774 perra ära selletedus.

päkohtumees Michel Wreeman

kohtumees Hindrek Liiw

       "            Jakob Eiche

                    Kirjotj.: J.Kirrop