Protokolli No 9 mano

Kutsmise pääle olliwa ette tulnu Rein Kõiweer ja Jakob Rist nink wiimane and wastust et Rein Kõiweer ei mitte kuigi wiisi tema maad paremba kõrra mano säädnu ei ole, kelle eest tema kõrgemba renti oles nõuda wõinu, ennegi se nõudnu maapidamise kõrd ja saisus nõwwap seda, päälegi ei ole Kõiweer mitte ütteki rendi kontrahti perra maa pidaja kelle perra tema hennele maa pidamise eest tasomist olen wõinu nõuda; wiimate om ka joba selle karja maa kündmise üle kohtu otsus olnu kellegi näil ennamb midagi nüüd tegemist ei ole.

Rein Kõiweer andse ka perra, et temal selle mõtsa maa pidamise üle määrastki rendi kontrahti tettu ei ole, ei ka ütteki tasomise hinda lepitu.

Selle pääle es ütle kohtun käuja ennamb midagi ütlemist ollewat, sis

Mõisteti

et Rein Kõiweerel selle rendimaa pruukmise üle ütteki rendi kontrahti ei ka tasomise hinna üle lepingut tetta ei ole sis Rein Kõiwere kaibust Liiwimaa talorahwa sääduse raamatust § 196 ja Liiwima kubermangi walitsuse poolest wälja antu saatuste § 624 perra sest 17 Julist 1865 xxx § 13 tühjas tetta.

Se kohtu otsus saije kohtun käujile kuulutetu.

kohtumees Hindrk Liiw

abi   "           Antre Pusep

abi   "          Peter Land

                    Kirjotj.: J.Kirrop