Kaibas moisa mõtsa wallitsus, sel aastal haino teggemise ajal ollew üks peddai mis 13 sülda pik ja 23 tolli tüwwest jämme mahha raggutu nink ossast ladwa otsast pakkust läbbi lõigatu nink se palgi tüwwe jaggo arwata 4 sülda pik, ärra koritu ja ossa ärra lasitu, nink õkwa sääl liggi Hindrik Kochi heina ma kotsil maan, kos Hindrik Koch ommale wihma warjo löwi ollew ülles tennu, nink neid peddaja osse sääl samma ärra pallutanu ollewad, nink nõuwab mõtsa wallitsus et Hindrik Koch selle peddaja eest peab wastutama, selle, et Hindrik Koch kül wabbandanu, mitte sedda peddajat raggunu ollewat, enge ne ossa ärra pallutanu. 

Hindrik Koch sai ette kutsutus, nink wastutas, temma ollew perra otsa ommi hainu tennu, siis ollew se peddai jubba mahha lastu olnunink läbbi lõigatu ja se palgi jaggo ärra koritu een olnu, enge ne ossa ollew temma omma löwi man ärra pallutanu, ning muud ei tija temma sest peddajast middagi, nink ne ossa middas temma sääl ärra pallutanu, ollew enne jubba sääl maan puust mahha lasitu olnu. 

Mõtsawallitsus nõuwab taksi perra selle puu eest 19 Rbl.  89 Kop. 

Se assi jääb polele tõises kohtopäiwas selletada. 

Pääkohtomees Hiskias Tamberg XXX

Kohtomees Juk Hansi XXX

  "  Karl Koch XXX