Selsammal paiwal 18 januaril 1889.

Ette tulli Moisa wallitsusse assemik Andres Sarnitz ja kaibap moisa wallitsusse nimel et pole terra mees Samuel Warjan 1888 aasta pole terra massu 86 rubla ja 

88 koppekat masmatta om nõuwap seda puuduwat massu temma käest kätte saada. -

Samuel Warjan ütles et temmale marastke kontrakut ei olle ent olle leppingo perra aasta renti kül 336 rubla paknud ent mitte wõetud. - ja näütas omad massu tähet ette mes nida om

Martz  3 mastud    -                   168 rubla

Jani    23 mastud    -                   20    "

   "              mastud    -                 62   "

                      --------------------------------

                             Sum(m)a         250   "

ja utte wakka ma hinda puudu

ma eest      -                                     7   "

ütte sulle puje eest saada  -         2   "

kauzioni raha sissen   -                 48   "

                                --------------------------

                                  Suma            307

ni et mul 29 rubla perra om massa mes ma ka paknud olle ja olle ka walmis täämba seda walmis kohtole ärä masma. -

Andres Sarnitz utles ma puudussest tema midake ei tija ent se kül õige om et uts sulli puid saamatta om. - ja utles ka et Warjon kontraki ei olle. -

Otsus et Warjon ütteke kontrako ei olle mes ka Sarnitz perra antnu enne ütte toist kontraku kül ette näüdatud kos 336 rubla renti massa om mes ka kaibajast ja kaiwatawast õige ütteltud ollewat ent tahti perra ärä mastud 250 rubla 

kautsioni raha mes sissen om                                                           48   "

ütte sulle puu hind mes ka wolletetu Sarnitz oige utles ollew       2   "

                                                                                  -----------------------------

                                                                                          Suma           300  

Ent utte wakka ma hind mes wolletetu Sarnitz mitte ei ütle teedwat ei sa kuultud.

Moistetud  Massap Samuel Warjon se puuduw rent 36 rubla täämba moisa wallitsusse assemikule wälja ja muido noudminne moisa wallitsussest tuhjas moistetud.

Otsus § 773 ia 775 perra kulutetu.

Wolletetu Sarnitz mitte seda moistetud raha wasta wotnud. -