Kaibas Jaan Treumuth, temmal olnu sel mödaläinul kewajal pumeister Johann Wuksiga se lepping tettu, et Johann Wuks temmale ütte ellomaja wastsest ülles ehhitab, nink temma Treumuthi poolt olnu keik täwweline material mannu murretseto, nink piddanu se maja nitade tettu ollema, ni kui nende leppingu käekirri tunnistap, nink piddanu sel 25. Julil s.a. walmis ollema, ent Johann Wuks ollew ennegi seni kunni rowini sedda maja ehhitanu, nink keik se sissemine jaggu teggemata jätnu, ja perrast sallaja kombel pakku lännu Walga linna. 

Ehhituse hind olnu leppitu

150 Rbl. selget rahha

4 wakka röa jahhu

2  "  surmit

5  "  kartoflit

10  nakla raswa. 

Johann Wuks ollew temma käest selle ehhituse päle wälja sanu:

käerahha eddimält	5 Rbl.	Kop.
siis selle päle ülle ültse	130	3
2 wakka röa jahho     250 c.	5
1/4  "  keswa jahho	1	20
24 nakla heringat	1	80
üttekokko	143 Rbl.	3 kop.

Selle päle ollew temma Johann Wuksi päle odnu, et temma taggasi tullep nink temma maja walmistab, ent Johann Wuks ei olle mitte selle ehhitusele mannu tulnu seni ajani, nink nõuwab temma Jaan Treumuth nüüd 100 Rbl. Johann Wuksi käest selle et temmal koskil õiget ellada ei olle. 

Johann Wuks tulli ette nink koste:

temma olles sedda maja Jaan Treumuthile walmis ehhitanu ent eggast asjast ollew material pudus olnu, nink temma piddanu ommi töömeestele päiwa palga masma ja ollew selle päle kitsa päl jäänu, nitade et piddanu toomehi ärra laskma, nink nitade jäänu se maja polele, nink ei lähhe ka ennamb Jaan Treumuthi maja ehhitusele mannu. 

Rahha ollew temma Johann Wuks omma rehnungi perra Jaan Treumuthi käest 134 Rbl. 65 Kop. sanu. Ning siis ollew temma Johann Wuks selle majale rohkemb töö tennu, mis mitte leppingun ei seisa nink nimmelt:

1.	11 1/2 sülda wundamenti 'a 130 kp.	14 Rb.	95 kp.
2.	ütte wahhe saina eest	25
3.	maja 1 jalg korgemb ülle leppingu	25
4.	karnisi eest	5
5.	maja krundi ümberpannegi eest	8
	üttekoko	77 Rb.	95 kop.

nink nõuwab temma sedda ülles anto eenseiswa summat Jaan Treumuthi käest wälja masto sata. 

Jaan Treumuth, wastutas selle päle, se ülles anto 11 1/2 sülda wundament ollew temma 130 kop. sülla päält Johann Wuksile kül leppinu massa enge temma Jaan Treumuth ei olle sedda mitte mõõtnu, ent keik ne perrametse 4 punkti kelle eest Johann Wuks noudmist teep ei tija temma middagi, enge tijab ni wõrra mis nende kontrahti perra kõnneltu om. Temma Jaan Treumuth om sedda ehhitust lasknu kohto wannembitest, Karl Koch ja Juk Hansi läbbi ülle kaija. 

Kohtomees Karl Koch ja Juk Hansi tunnistiwa nemma lännuwa Jaan Treumuthi pole sedda kaema, kas material täwweste man om, nink ütliwa et sääl sedda pudust ei olle olnu, ent se maja ei ollew mitte häste tettu, nitade et sääl paljo pudulik om olnu, nimmelt saina mitte looti perra, nisamma ka akna ja usse piita ennambi wirrile. 

Selle päle sai Johann Wuksi käest küssitus kas temma sel 15. Octobril s.a. Jaan Treumuthi maja ehhitusele tööle (walmistamises) tahhab minna ehk mitte, selle päle agga koste Johann Wuks, et temma mitte ennamb sinna tööle ei lähha.

Otsus:

Koggokonna kohus arwas, et kunna Wuks mitte ennamb Jaan Treumuthi maja ehhitusele tööle ei tahha minna, siis om Jaan Treumuthil sedda tööt ütte tõise meistre kätte anda, nink nende mõllembite nõudmisi om koggokonna kohus tühjas arwanu, nita et mumb kumbagil ennamb middagi nõudmist ei olle. 

Se moistus sai kohtokäijadele Tallorahwa Säduse ramato 1860 aastast §773 ja 774 järrel ette kulutetu nink neile säduselikut oppuslehet wälja antud. 

Kumbgi es olle rahhul. 

Sel 12. Octobril s.a. sai Johann Wuks Protocoll wälja. 

Pääkohtomees Hiskias Tamberg XXX

Kohtomees  Juk Hansi XXX

  "  Andrus Püwwi XXX

  "  Karl Koch XXX