Protokolli No 161 mano

Kutsmise pääle olliwa ette tulnu Hindrik Land oma naisega, Peter Meltz ja Michel Tarro;  - wiimane and wastust, et Hindrik Landu naise esa Johann Kantz kes nüüd ära om koolnu, om selle raha henda kätte wõtnu, ja wiimate om sis tolleajane nüüd ära koolnu Hindrik Landu naise mees Jakob Meltz henda kätte wõtnu ja selle wasta ka selle sama tunnistuse kirja andnu.

Saije Protokolli raamatust sest 16 Aprillist 1874 aastast No 12 perra kaetus, et se kadona Hindrik Paijo warrandus ära om selletedus saanu, kelle perra neile Paijo perrijile 106 rubl. 55 kop. warantust perra om jätnu, kelle mant ennegi 26 rubl. 80 Cop. wõlga mant ära lähap, jääp weel 79 rubl. 75 kop. perra, mes selle perra jäänu läsja ja latsele peranduses om jäänu.

Marri Land and weel üles, et tema om sellest perra jäänu warrandusest 55 rubl. selle latse kaswatamise hääs wälja ära saanu.

Selle pääle es ütle kohtun käuja ennamb midagi ütlemist olewat, sis

Mõisteti

et tolle ajane Marri Landu mees kadona Jakob Meltz oma tunnistuse kirja perra selle kadona Hindrik Paijo latse raha 41 rubl. 30 Cop. henda kätte lainanu om, sis peap Hindrik Land seda lainus raha selle kadona Jakob Meltza warandusest sisse nõuda laskma.

Se kohtu otsus saije kohtun käujile kuulutedus ja §§ 773, 774 perra ära selletedus.

päkohtumees Michel Wreeman

kohtumees Hindrek Liiw

       "            Jakob Eiche

                    Kirjotj. J.Kirrop