Selsammal paiwal 25 januaril 1889.

Wana Koiola moisa wallitsus kaibap kirjaga et kortsi mees Jaan Hinno temmale enne kontrako ärä lähhap ja omma ellaja ärä om müünud ja tahab weel müüwa mes perran om pallep et seda temale ära keelta ja temma käest kontrako perra 100 kautsioni sisse sundi ja tedda sunti rehhe warrid ja aita kattust parrandama. 

Jaan Hinno ette tulnud ja ütles et temma kogoni oma kohta ülles ei olle üttelnud ent kül renti wahendamist nõudnu ja se päle Herra ka ilma minno kaest noudmatta koha ärä om antnu kona mul rent ette ärä olli mastud ent honete parrandamist ei ka ellajide arwo ei nimmeta minno kontrak ent pea kül neid ellajid omas tullos ja ellamisses mes mul om ilma kohto keeluta ent kautsioni ei massa ma koppekat mes kontrak weel 1892 aastal kässep. -

Kontrak ette näüdatud ja ka nida õige leitud ollewat kui Hinno ülles antud et ellajist nimeta ei ka hone saisus ülles antud ent teedmatta kas rent tassa wai mitte.

Otsus moisa wallitsus ka ette kutsu oma nõudmisse päle. -