Wastseliina mõisade mõtsa wlaitsuse eest tulli selle wolinik Jaan Tamm Wastseliina wallast ette nink tõst Pindi walla mehe Hindrik Kakku, Jaan Pirisild ja Michel Raag pääle kaibust, et ne omma Laswa mõisa hoio mõtsast ära warastanu kui nimelt:

1, üts tamm 19 tolli jämme ja 54 jalga pik ja

2, üts tamm 16 tolli jämme ja 54 jalga pik

pallel seda asja kohtu selletuse ala wõtta nink seda kahjo kolme kõrralitse trahwiga ära massa laske, kelle üle ka Hans Härnitz ja Jaan Isak tunnistada woiwa.

Otsus: Hindrik Kakko, Jaan Pirisild ja Michel Raag Pindist ja Hans Hernitz ja Jaan Isak Laswalt sel 31 Märtsil ette kutsu.

päkohtumees

kohtumees

       "            

   Kirjotj.: J.Kirrop