Jaan Kolk tulli ette ja kaebas et Jakob Kukrus temmal 2 korda rusikoga löönud ja om kaska ärrawõtnu nink ka om 3 Rubla käeraha wasta wõtnu ja lubbanud nisso tuwa, aga ei annawa käeraha taggasi ja ei olle ka nisso toonud, Jaan Kolk nõuap 3 Rubla käeraha tagasi ja ka 2 kõrra löömisse eest trahwi. 

Jakob Kukrus tulli ette ja wastap, minna ei olle mitte Jaan Kolkale löönud, aga Jaan Kolk mul ruskoga wastu rindu et minna piddi maha sattama, kask ei olle mitte wõtnu, sedda olli minno Lell leidnu ja saije Jaanil tagasi antus, mul ei olle nisso müija olnu ja minna ei olle ka üttegi käeraha wasta wõtnu.

Tunnistaja Jaan Michelson ütlep, Jakob Kukrus tulli minnol mann ja küssi kas Jaan Kolk ollete nännu, ehk kül Jaan Kolk minnole kõrwale saisiwa, löömist ei olle tunnistaja nännu.

Tunnistaja Kusta Michelson ütlep, et kui Jaan Kolk tarren istnu, siis om kül Jakob Kukrus sisse tulnu ja nahkanu Jaan Kolkat trotzima ja üttelnu, sul om reime kott kaalen ja kõnnite tallode mööda leiba santma ja ka üttelnu tulle wäljan om mul 3 punda linnu osta neid ärra, Jaan Kolk ei olle se ülle ütte sanna wasta üttelnud. 

Tunnistaja Hans Laus ütlep nenda sammoti kui Kusta Michelson.

Kohtomees Hans Jürgenson ütlep et nännu kui Jaan Kolk, Kukrusel üts kõrd ruskoga löönud.

Mõistus: Jakob Kukrus saap süüdi arwatus et temma Jaan Kolk om sõimanu ja Jaan Kolk saap se eest süidi arwatus et Kukrusel löönud, Jakob Kukrus saap 20 witsa löögi, Jaan Kolk saap 10 witsa löögi, Jaan Kolk nõudmine 3 Rubla keraha perrast arwatus tühjas tunnistuse puuduse perrast.

Mõistus saije kuulutedus §773 selletamissega.