Perremees Jaan Lutsar kaibap Fritz Bergi päle et temmal karjusse palka 15 rbl. 1 1/2  mõõtu linna seeme eest 3,75 ja ütte wanna sanna ärrä pallotadu 5 rbl.

kokko 23 rbl. nõwwa sedda kätte.

Fritz Berg ütles et temmal eddimätse ajasta kül karjust ei olle olnu, ent minno naine om selle eest töö päiwi  tennu ja sellega tassa sanu.

Linna seeme ütles õige ollewat ja lubbap semet taggasi massa. 

Sanna ütles Berg et tem(m)a ei olle sedda mitte pallotanu.

Lutsar pand tunnistajas Peter Puksa kes sääl ka teeniman olli olnu ja ütles et temma ei olle kunnagi Fritz Bergi naist Lutsari põllu pääl töön ei olle nännu.

Gusta Põdder and tunnistust et Fritz Berg om lubbanu rahhaga massa.

Moistedu  Et awwalik et Fritz Bergi ellaja eddimatse ajastaja Lutsari karjan om(m)a käinu kos Bergil essi piddi kondradi perra karjane ollema, massap Fritz Berg 5 rbl. Lutsarile karjatse palgas ja 1 1/2 mõõtu seemne rahha 3,75 kop. ehk seme mis külwi seemne peawa ollema tagg/a/si andma.

Sannast ei sa middagi arwata sest et Berg kõwwemba tükki om matteriali assemele pruginu weski manno ja mis ärra maddanu om olnu sinna mahha jätnu.

Otsus Peap Fritz Berg Jaan Lutsarile karjusse palka 5 rbl. ja seemene rahha 375 kop kokko 8,75 kop. nelja tõiskümne päiwa sissen wälja massma.

Kohto otsus kulutet.