Anzmõisa shandarm Ossip Kübbär andse siin ülles, et temmale kõnneldu ollewat, et Jaan Kuld ollewat Wabina mehhe Jaan Kolgaga ja Saremaa mees Laas Tammega sel 12. Octobris 1879 katte musta hobbesega Kamja pole sõitnu. Kui nüüd Jaan Kultil mitte katte musta hobbest ei olle, om arwata, et neide hobbestega mitte selgust ei olle. 

Jaan Kult kostis selle päle nidate: "Se om wõls, et minna ses 12. Octobris s.a. olles Tartu ehk Kamja pole sõitnu, enge minna leije kül sel 24. Oktobris s.a. Laas Tammele worimehhes, kedda minna tolle pool Sabberna kõrtsi ütte tallo weesin, ent minnol es olle ennamb kui üts hobbene. Krawi kõrtsi mant weesin minna Wabina meest Jaan Kolgat Sabberna kõrtsi, sest Jaan Kolga tahtse Tartole minna, ent perrakõrd es lähha temma mitte eddesi, enge tulli minnoga taggasi."

Shandarm Ossip Kübbar andse ülles, et Jakob Pook, Pisso kõrtsimehhe sullane, temmale sedda kõnnelnu ollewat. 

Soldat Jakob Pook sai ette kutsutus nink kostis sesamma, et temma keige wähhembat sellest ei tija, ei ka middake Shandarmile kõnnelnu ollewat. 

Rein Wärnik tunnistust: "Sel 23. Oktobril s.a. kui minna kerku alla kõrtsin olli, näggi minna, et kõrtsi een 2 musta hobbest ütte wankri een olli nink olli Jaan Kult, Laas Tamm ja Jaan Kolga kõrtsin ja jäiwa ka perran minno weel kõrtsi. Laas Tamm ütles minnole, et Jaan Kult temma worimees ollewat. Sedda minna mitte tähhele es panne, et muid hobbesid ka kõrtsi een olles olnu.

Pääkohtomees Hiskias Tamberg XXX

Kohtomees  Juk Hansi XXX

  "  Andrus Püwwi XXX