Kadona Johann Rüsteri läsk Katre Rüster ja selle mansaisja Tanno Palloweer tulliwa ette nink kaibsi selle Johann Rüsteri talo rentniku Karl Truija pääle, et se temale tema kraami panda ütteki esieraliku hoonet pruukmises ei anna, ja temale ni kõhna süüki annap, kellega tema nink tema wäikese latse mitte üles ei woi peetus saada, nisama nõwwap ka hennele ütte wäikest kappi kraami pandmises saada, -  pallel et tema tütre mees Karl Truija selle asja man sääduse perra kinni saas peetus.

Karl Truija ette tulnu and wastust, et tema seda aita kui ka wäikest kappi mitte oma naise emale ei saa keeldma, ent parembat sööki ei ole temal mitte wõimalik oman jõwwun anda, kuna tema sensaman lawwan ütten sööp.

Selle pääle es ütle kohtun käuja enamb midagi ütlemist olewat, sis

Mõisteti

"et Karl Truija peap oma lubamise perra se ait nink wäikene kap omale naise emale pruukmises andma ja ka edespäidi söögi eest parembat kõrda pidama, puuduwal kõrral näide üles pidamise jaos kohtu poolest xxx saap märatus."

Se kohtu otsus saije kohtun käujile kuulutedus ja §§ 773 ja 774 perra ära selletedus

päkohtumees Michel Wreeman

kohtumees Hindrek Liiw

       "            Jakob Eiche

                     Kirjotj.: J.Kirrop