Gusta Päiw tulli ette ja kaebas et temma leppingo nink eenkontrahti lehe perra weel ollewad 3 aastad Jürripäiwast eddasi Ruusa wessiweski nink maad õigus piddata, aga nüid renti andja Johan Kolk tahtwad weski temma käest ärrawõtta, Gusta Päiw näitap ütte lehe ette kus Hendrik Ruusa nimmi sisse kirjotedu saisap, aga üttegi nimme ei olle alla kirjotedu ja ütlep et se kirri om temma poig kirjotanud.

Johan Kolk tulli ette ja ütlep Gusta Päiw ei olle kunnagi minno weski ei ka maa rentnik olnu, ei olle minna Gusta Päiwaga üttegi leppingo tennu, igal innimesel nink ka kog. kohtole om teada et Gusta Päiw Nustagol ellanud ja sääl tullep sääratse kaebusega ette tulla.

Adam Kolk om minno Rentnik olnu ja om ütte wiisi minnole renti masnu weski ja ma eest ja Adam Kolk olli Johan Päiwa minno weski pääle enda tallitajas pandnu, siis om Johan Päiw minno platsist hainu ja ellaja pühku sallajal wiisil müinud ja se läbbi mul suure kahju tennu.

Gusta Päiw ütlep üts een kontraht om kirjutedu Hendrik Ruusa nimmi pääle.

Johan Kolk ütlep ene kolme aastad es tunne minna mitte Hendrik Ruus ja es olle ka tedda mitte nännu, nüid minnewal aastal ollen minna kül Hendrik Ruus nännud ja tean et ta Pangoti walla perremees om. Minna ei olle Hendrik Ruusale ei ka Gusta Päiwale omma weski renti pääle andnu.

Mõistus: Sele et Gusta Päiw kunnagi Ruusa weski ei ka ma piddaja olnu ei olle ja ka Gusta Päiwale üttegi tunnists ei ka kontraht ei olle ette näitata et temma Ruusa tallu=weski ehk maad renti pääle wõtnu, mõisteti Gusta Päiwa nõudmist nink kaebuse Ruusa weski nink ma piddamisse perrast tühjas.

Mõistus saije kuulutedus §773 selletamissega. 

Pääkohtomees: Johan Kõiw XXX

Kohtomees: Hans Willemson [Allkiri]

Kohtomees: Jakob Andreson [Allkiri]