Andres Petti Otsa tallo perrispiddaja kaebas et temma rentnik Jaan Awwi üts wakka maad rükki wähemb ärraandnu kui ta wasta wõtnu, nõuap se eest 10 wakka rükki.

Jaan Awwi tulli ette ja wastap, temma om kül ütte wakka maad rükki wähemb perra jätnu kui sannu aga sitta ei olle olnu se perrast ilma sitta es olle rükki wõinud tetta. Aga temma om ka Andresel 6 Rubla raha selle eest masnu.

Andres Petti ütlep 6 Rubla raha masti Jaan Awwi selle eest et eddimätsel aastal rohkemb rükki saije kui kontrahti perra olli lubbatu.

Jaan Awwi ütlep kontrahti perra piddanud temmal täwweste pool Otsa tallo renti pääle saama, aga Andres om essi rohkemb kui poolt tallo ma eddale jätnu ja temal wähemb andnu.

Otsus: Sele et Andres Petti 6 Rubla raha rükki eest wasta wõtnu ei woi tema ennemb tassomist nõuda, aga ütte 1/3 wakka rükkki eest massap Jaan Awwi 1 wakk rükki ehk 3 Rubla raha, raha ehk rukki olgo 8 päiwa seen mastus. 

Mõistus saije kuulutedus §773 selletamissega. 

Pääkohtomees: Johan Kõiw XXX

Kohtomees: Hans Willemson [Allkiri]

Kohtomees: Jakob Andreson [Allkiri]