Tulli ette Michel Tunkel Kründnerist Kuksina karja mõisa rentnik ja kaebas et temmal Peter Kruse käest 3 Rbl 66 Kop. raha saada om nink nimelt sel wiisil, kui temä Kitse kõrtsin kõrtsimees olnu, siis om Peeter Kruse Wastse Ottepä kohtomaja tegema mööda käinu, temä käest söögi nink ka joooki wõtnu, osast om ka ärramasnu, aga see summa 3 Rubla 66 Kop. wõlgo jäänu.

Kutsuti ette Peter Kruse, temä ütel edimält et temmä Michel Tunkelil suguki wõlgo ei olle, perast ütel temä om kül Michel Tunkeli käest nimitedu asjo wõlgo wõtnu aga oma keik rechnungi ärra õiendanu nink Michel Tunkliga keik tassa tennu.

Mõistus: Et Peter Kruse omast kõnnest nättä om, et temal Mihkel Tunkeliga wõla asjon tegemist om, siis om ka sest awalik et temal ka 3 Rbl 66 Kop. Michelil Tunkelile masmata, Peter Kruse peap siis 3 Rbl 66 Kop Mihkel Tunkelile ärramasma.

Mõistus saije kuulutedus §773 selletamissega. 

Perrast ütlep Peter Kruse et temal mitte raha es olle seda summa wälja massa, siis saije Tiisleri Zastrowil kelle nimitedu Peter Kruse töön om käsk antus, Kruse palkast 3 Rbl. 66 Kop kinni pidada nink kohto kätte ärra massa.

Pääkohtomees: Johan Kõiw  XXX

Kohtomees: Hans Willemson [Allkiri]

Kohtomees: Jakob Andreson [Allkiri]

Kogukonna kohtu kirjutaja: J.Wäärsi [Allkiri]