Protokolli No 25 mano

Kutsmise pääle olliwa ette tulnu Wastseliina mõtsa walitsuse eest Jaan Tamm Wastseliina wallast ja Hindrik Kakku nink Jaan Pirisild Pindi wallast, ent Michel Raag olli ilma wabandamata wälja jäänu.

Kakku ja Pirisild anniwa wastust, et kui nema omma mõtsa puije perra omma lännu, sis omma nema oma maa pääl ütte walmis maha raotu tamme palgi leüdnu, mes nema kül tõiste paika ära umma wisanu, ent seda esi mitte warrastanu, ent sellest tõisest tammest ei tija nema midagi ütelda;  - päälegi om joba Jaan Raudwassar Laswa wallast näile enne selle tammele manu saamist tee pääl wasta tulnu ja näile selletanu, et mõtsan üts tamme palk maan olewat.

Hans Härnitz and tunnistust, et tema kül mitte neide tamme palgide maha ragomist ja weemist nännu ei ole, ent Hindrik Kakku ja üts tõine mees olnu neide perra jäänu tamme latwu lõikamise man, mes tema kuu walge öösel selgeste nännu.

Otsus: et se warguse asi üle 10 rubl. wärt om, sis seda asja ütte keiserliku Wõro Maakohtule mõistmises sisse saata.

päkohtumees Michel Wreeman

kohtumees Hindrek Liiw

      "             Jakob Eiche

                     Kirjotj.: J.Kirrop