Protokolli No 13 mano

Kutsmise pääle olliwa ette tulnu mõtsa walitsuse eest Jaan Tamm ja Jaan Hagiwang, nink wiimane and wastust, et tema mitte Laswa mõtsast seda kõiwo ragonu ei ole.

Wannutedu mõtsawaht Jakob Mõõk tunnist, et Jaan Hagiwang om tõtteste selle kõiwo maha ragonu, kellele tema esi weel just mano om saanu; ennegi se puu om kõik kül mõtsa jäänu.

Selle pääle es ütle kohtun käuja enamb midagi ütlemist olewat, sis

Mõisteti

I. pääkohtumees tegi otsuse, seda asja puuduwa tunnistuse perrast tühjas tetta, sest et mõtsa waht kunnagi tunnistaja ei woi olla, enge kui wõera omanduse takan otsja.

II. kohtumees Hindrik Liiw ja kohtumees Jakob Eiche tegiwa otsuse, et Jaan Hagiwang peap selle wannutedu mõtsa tunnistuse perra selle ära raotu kõiwo eest 192 kop. kui trahwi 14 päiwa sissen a dato mõtsa walitsuse hääs ära masma, ja se puu om muidogi mõtsa walitsusele tagasi saanu.

Otsus: Seda mõistmist keiserliku 6 kihelkonna kohtule kinnitamises ette panda.

Se kohtu otsus saije kohtun käujile kuulutedus ja §§ 773, 774 perra ära selletedus.

päkohtumees Michel Wreeman

kohtumees Hindrek Liiw

       "             Jakob Eiche

                     Kirjotj.: J.Kirrop