Tulli ette Torni tallo omanik Karl Juust ja kaebas et minnewal kewadel Rein Willemson tema käest Torni tallo ostnu ja selle kaupa pääle 100 Rubla käeraha temal sisse masnu ja ka lubbanu se raha mis tema tallo eest mõisale masnu, ärramassa nink ka keik massod mis sele Torni tallo eest mõisale nink ka kredit kassale massa tullep ilma wasta panemist masa, aga nüid tahtwad Rein Willemson kaupa katski murda ja tallo müijale tagasi anda ja tullewal kewadel äraminna, se perrast nõuab Torni tallo perrisomanik et Rein Willemson kauba perra peast Torni tallo eddasi piddama ehk se 100 Rubla sisse masto raha kautama.

Rein Willemson tulle ette ja wastap, mina ollen kül Torni tallo Karl Juusti käest ostmisse pääle wõtnu nink ka 100 Rubla se pääle Karl Juustil masnu, aga mina ei saha mitte sele talloga läbbi, sest se tallo ei anna middagi sisse, se perrast tahan mina tedda taggasi anda, aga 100 Rbl. sisse mastu raha peap renti rahast sele aasta eest äraarwatus saama.

Mõistus: Selle et Rein Willemson om wälja üttelnu et tema Karl Juusti käest Torni tallo ostnu ja 100 Rubla se pääle masnu, peap Rein Willemson ostmisse kauba pääle sisse mastu 100 Rubl. kautama ja sele ütte aasta tallo piddamisse eest täwelik keik ärramasma, kui ta tahap Jürripäiwal tallust ärraminna ehk piddago oma ostmisse kaupa ja tõitko keik mis tema ostmisse kaupa perra om lubbanud.

Mõistus saije kuulutedus §773 selletamissega ja opuse kirri kätte antus.

Pääkohtomees: Johan Kõiw XXX

Kohtomees: Hans Willemson [Allkiri]

Kohtomees: Jakob Andreson [Allkiri]