Aste ette Nustako kõrtsimees Willem Karp ja kaibas et Pühajärwe monamees Sachkar om omma hobbsel temma Kara ärra lasknu süwwa; Willem om hobbose kinni wõtnu ja mõisa winu, ni kaua kui ta sissen Rendi herra man kainu, om Sachar wäljast omma hobbose warguse wisil ärra wõtnu ja koddo winu.

Sachar wastat et temma hobbone mitte ei olle kõrtsimehhe Karan olnu, selle päle wõib ta wandu ja ei olle ka kõrtsimees temma hobbest mitte omma Karast kinni wõtnu waid Niido päält; nink om ta omma hobbose Mõisast sellepärrast sallaja ärra winu et kõrtsimees ei olle temma hobbosele middagi süwwa andnu waene loom om naljan olnu nink nõuab nüüd Sachkar kõrtsimehhe käest omma Suitsid mis kõrtsimees temma hobbose pääst ärra warrastanu kui ta tedda kinni wõtnu. 

Kõrtsimees Willem Karp nouab omma kahju 4 Wakka Karu.

Mõistetud: Sachkar massab Willemile 2 wakka Karu.

Sachar wastat et ta mitte enne ei massa kui kõrtsimees temma Suitse ei olle taggasi andnu.

Kõrtsimees üttel et temma käen Suitsid ei olle, kui ta hobbost kinni wõtnu siis ei olle tal Suitsid pään olnu.

Johan Kõiw XXX

Hans Rebbane XXX

Jaan Rebbane XXX

Hans Michelson XXX