Kaebas Werroliina Kaupmees Greil selle Walla Perremehhe ja praegni Kohtomehhe Walli Peter päle, et se om 2 Riigi Laino Pabirit, ketti temmale pantis antud, ärramünu ja pallel ommi Pabirit kätte saia.

Walli Peter ette kutsutud wastotas se kaibusse päle: "et kui temma Werro Kaupmehhe Greile käest neid Pabirit om wasta wõtnu om neil lepping olnu, et Kaupmees essi saab neid Pabirit Petre käest 4 näddalid enne Jürripäiwa, konna Petrel jobba puhhast Rahha waja om, ärratooma; se Termin agga läts möda ja Aig tulli lähhemp kos Petrel omma Rent nink töisele Perremeestele omma Jaggo waja wälja maksa nink hindale Obbest osta; Peter sõitis selle perrast Werro linna ja pallel omma Rahha Pabiride wasta kätte, ent es olle Kaupmehhel mitte anda; Peter sõitis töist ja kolmandast körda ja es saa omma Rahha, kos kah temmale weel jahhotati Walgeso Möldre Kohleri käest Rahha otsi, ent se es anna mitte Rahha. Selle agga, et nüüd jobba Moisa poolest käsk käen olli, Maja Renti maksa ja aig Laade pält Obbest osta, piddinud Peter neid Pabirit ärramüüma.

Kaupmees Greil wastotas Walli Petre Wäljaütlemisse päle, et Walli Petre enneki üts körd olles temma man käinu Rahha otsiman, ent es woi töttes tehha, et temma Termini olles piddanu.

Sai moistetud: Selle et Kaupmees Greil ei olle Termini piddanu, Walli Petret selle Assjaga rahhul jätta.

Se Moistminne sai Kohtokäigile kulutud.

Abbikohtomees: Hindrik Torg XXX

Abbikohtomees: Hindrik Naggel XXX

Abbikohtomees: Jaan Sulbi XXX

Abbikohtomees: Peter Kutsari XXX