Kagrimõisa walla mees Jacob Urm aste kaiboden kohto ette: et kui temma Pühhajärwe kõrtsin tahtnu 25 rub. rahha wahhetada, siis om kõrtsimees Siebert temma ei tija miksperrast tedda kõrtsin 3 korda wastomaad ja 2 kõrda wasta saina rängaste lönu.

Siebert kutusti ette ja wastut se päle et Jakob Urm om 4 Kop. eest wina jonu ja andnu 25 Rub: wahhetada; tema Emmand om Jakobile üttelnu et sul om jo wask rahha kottin, sest seda 25 Rub. ei woi minna 4 Kop. eest mitte wahhetada: Jakob Urm om Emmandälle päle karranu tedda tõuganu ja üttelnu kas sa Kurrat minno rahha kotti kobbija olled, sinna pead minnule ne 25 Rub. wahhetama ja om selle ütlemisse man käega wasta kauba laada pesnu. Siis om temma, Siebert üllestõusnu nink tedda kaugembale lükkanu nink man Jakob Urm mahha saddanu, sest ta om hästi purjun olnu. 

Jakob Urm and kohtule ülles et temma teises kohtopäiwas saab omma poolt tunnistajat liggi toma kes sedda löömist om nännu.

Siebert and nisamma omma poolt tunnistajat ülles ja lubbas kohhus neid teises kõrras ette tallitada.