Mõisawallitsus kaibas monamehhe Ado Kangro päle et kui temma Nustagole selle monamehhe asseme wõtnu kes enne temma (Kangro) Poja käen olnu, siis om Ado Kangro ka ne wõlgo jänu Teo päiwa omma päle wõtnu mis temma poig Mõisale wõlgo jänu ja om se Kontrakti pantu ja Ado sedda essi omma käega kinnitanu. Neid wõlgo jänu Poja päiwi om 23 hõb. ja 46 jalksi päiwa. Agga Ado Kangro ei saada kunnagi innimest wälja, et Mõisa kül mitto käsku om andnu wälja tulla ja ei sa ne päiwa mitte seddawisi ärra tettus.

Ado Kangro wastut, et temma neid päiwi hämelega ärra tees, agga temmal ei olle middagi isüwwa ja om ka tüdrukut Mõisa tühhi saatnu agga tüdruk ei olle lännu, mis ta wõib tetta. Ning siis om jo Koggokonna kohhus temma warrandust ülles kirjotanu ja wõiwad temmale Auksioni tetta. Ado lubbas kül omma selle aasta päiwa ärra tetta, agga neid wõlla päiwi ei jõua ta mitte tetta.

Mõisteti: Et Ado Kangro ütten selle Platziga omma Poja wõlgo jänu päiwa omma päle om wõtnu, siis peab ta neid ärrateggema, sest muido saab temmale Auksion tettus. Selle tarwis om se koggokonna kohhus Mõisarendi herra kässu päle temma Asjo ülles kirjotanu.