Kaibas Perremees Jaan Pindt et jobba minnewal talwel temmal 25 Rubl. hõb. temma Tarrest rahha kottust om ärrawarrastud saanu ja arwas sedda Wargust omma Nätsiko Marri Wössmanni päle, ent es woi sedda kuida wiisil tõttes tetta ja Marri wabbandas kõwwaste, et temma sest Asjast mittemiddagi ei tia.

Nüüd agga om Marri paljo rahha wälja andnu Kaska, Selge, Rättide ja muido Krami päle, ja es woi awwalikust tetta kos temma sedda rahha om saanu, ja eggaüts tiab, et Marri opis waene olnud, ja sai temma selle perrast Kohtu ette kutsutud ja wastotas, päle kange Salgamisse: Et temma ei olle mitte sedda 25 Rubl. just warrastanu wait Perremehhe Tarrest läudnu ja omma Sõssare Liiso kätte andnu, ja om se temmale Näu kitnu, sedda Rahha mitte taggasi wait temma kätte anda, ja sai se rahha sis kah Liiso kätte antud. 

Päle selle om Marri ja Liis sest rahhast prukinu, ent Liis piddinud Marrile iks perrast kik rahha ärratassuma. Liis tunnistas sedda samma.

Sai moistetud: Marri Wössmann suremba Kohto kätte anda ja Liis Wössmann peab 3 Rubl. hõb. Waasteladiko sisse maksma.

Se moistminne sai kulutud.

Jaan Raud XXX

Hindrik Torg XXX

Hindrik Naggel XXX

Jaan Sulbi XXX