Selsammal paiwal 29 martsil 1889.

Ette tulliwa Jaan Kurwitz ja Mihkel Eddesi ja teijewa henda waijel selle leppingo

1. Jaan Kurwitz annab oma tallo N 23 Mihkel Eddesile pole kigest ni kui ta nüüd om maast hoonit ja haino maast.

2. Selle perrast wõttap Mihkel Eddesi Jaan Kurwitze tutre Mina omele abbikassas.

3. Sis ellawa nemma ni kawwa ütten kui nem(m)a sünnisse wana essa ja poja Petrega kes kui maja perria olles olnu, kui essa tema taus ealisses saamisseniolles jõudnu wastudata ja walja massa maja eest.

4. Jaap selle maja õigust pool Jaan Kurwitze poja Petrele nink pool Mihkel Eddesile.

5. Wälja tullep Mihkel Eddesil massa minewaajastaja 1888 aasta wolgnew kronu ostmisse protsent 62 rubla nink Jaan Kurwitza wenna Josep Kurwitzale 50 wiis-

kummend rubla.

6. Lubbap Mihkel Eddesi Jaan Kurwitza nore naise lastele ülle kolme ni kui poig Jaan poig Josep ja poig Johanile 50 wiiskumend rubla ni kawwa kui pääkolin ärä omma käünud, massa. -

7. Majast peab weel Mihkel Eddesi toise poole perria Peter Kurwitzaga kokko eggale sossarele andma uts lehm uts lamas nink pulma piddama ni kui woimalik om ja aig lubbap.

8. Kui peas ette tullema et maja wana perremees Jaan Kurwitz ehk temma perria seda pole maja õigust taggasi noudwa sis maswa need noudjat selle pole maja oigusse eest Mihkel Eddesile /800 kattessa sadda rubla/ wälja. -

9. Mihkel Eddesi ja Jaan Kurwitze soowi perra saap kogokona kohto en neide oma ülles andmisse perra nüüdne warra ülles pantus, et kui ette tullep et Wana Jaan Kurwitz ärä kolep sest sis natta om kui suur Jaan Kurwitze warra om olnu kost perria jago saawat ent mitte sest warrast mes Mihkel Eddesi omas tullos manno om kaswadanu nimelt om olnud. -

1 lehm waart arwatud    -                               15 rubla

3 waskat    do                     -                            12  "

3 zigga         do                                                 13  "

1 hobbene      do                  -                          30  "

1 wangri          do                                                 5  "

5 lammast     do                                               10   "

muud warra ei olle olleman. -

10. Kui Jaan Kurwitza latse kes nüüd alla ealisse omma mitte majan sõnna ei kuulta ja tööd ei taha tetta woiwa naad kui naad jo 14 aastat wanas oma sanud ommale teenistust wotta kas naad seda soowiwat. -

                   

                                    Leppingo teggia Jaan Kurwitz  XXX

                                          "                     Mihkel Eddesi

Et leppingo teggia essi omma käega oma leppingot tottes tunnistawa ja tauta lubbawa kinnitap kogo kona kohus seda oma nime alla kirjotamissega. -

                             Kohtowan(n)emb J. Pihho

                                 "        mees        Jaan Plak

                                 "        mees        Jaan Semm