Liis Saan kaibas: minnewa aasta om ta Pühhajerwe perrisherra man teenistussen olnud ja sääl Sandis sanud. Temma ja Peter Müller om kögist üts suur ärra wettinu tõrdu treppist mahha tonu, temma tulnu een ja Peter tagga; Peter Müller om taggast tõrdu wallale lasknud ja temma jalla päle ni et temma nüüd minnewa Suwwiste pühhist om põddenu ja middagi ei wõi ommale teeni ja Peter Müller om weel pälegi parrastanu et ta jalg om alla jänu.

Peter Müller wastat et temma kül takkan om lännu ja tõrdu om nilbe olnud ja käest wallale päsnud, egga ta sedda melega ei olle tennud.

Perrisherra von Schrencki perreemmand ütles kohtomeeste küssimisse päle et sedda ta ei tia kas Peter  Müller sedda tõrdut om melega woi koggematta walla lasknu, agga kui tüdruk wallu sissen tännitanu siis om Peter, parras, parras ütelnud.

Mõisteti: Et Peter Müller om pälegi weel parrastanu ja olli se temma kohhus et ta olles piddanu treppist alla minnen een ollema ja tüdruk Liis Saan nüüd terwissest olma, siis maksab Peter tüdrukule 5 rubla hõb. rohhitsemisse tarwis.

Peter Müller ja tüdruk ollid mõllembad sellega rahhul ja lubbas Jürripäiwas kui herra käest palka saab - ärramaksta.