Peter Reiwart endine Möldre kõrtsimees Wastse Anzlast kes nüüd Walka linan ellab, tulli ette nink tunnist: Minnewa aasta Novembri kuul, ollew Jakob Kubbi temmale selletanu: David Petersoni hobbose warguse man, ollew Jakob Kubbi, Jaan Kolga (Trull) ja üks wõeras Tarto poline mees kelle nimmi mitte teada ei olle, Werrolt seni kunni Wastse Anzla perremehhe Tomas Hainase maja tulnuwa; Jakob Kubbi ollew ütsinda Tomas Hainase pole sisse lännu, ent ne tõise ommawa Tomas Hainase haina kuhja mannu ootma jänu. Jakob Kubbi ollew Tomas Hainase käest ütte kirwe ja ütte adra rawwa sanu, ent mis tarbi päle, sedda ei olle Jakob Kubbi temmale Reiwartile mitte selletanu. Siis ollew Jakob Kubbi weel selletanu, et nemma neljakeisi Werrolt tulnu ütte wangerte een ollu 2 hobbost ja tõise wangerte een olnu üks walge hobbone (een) nink Karl Reiljan ollew ütsinda katte hobbostega koddu sõitnu ent nemma kolmekeisi ollewa Tomas Hainase platsi päle selle walge hobbosega jänu. Jakob Kubbi ollew ka sedda selletanu, et nemma ne wennelase wankre raud telle jõkke heitnuwa, kunna agga Tomas Hainas neid samma käsknu linnaleotuse wissata.. 

Jakob Kubbi ja Peter Reiwart saiwa suus suut wasta pandut, ent egga üts neist jäi omma wäljaütlemise mannu.

Otsus:

Jakob Kubbi saab ühhes selle Protokolliga Werro Makohtole sisse satetus.  

Pääkohtomees Hiskias Tamberg XXX

Kohtomees Juk Hansi XXX

 "  Jaan Treumuth XXX