Jakob Bauer kaibas: temma ollew Laas Tammiga (kokku) Karl Wernikele üks laut ja kõlkus üllesehhitada wõtnu, nink olnu selle töö hind leppitu: lauta eest 66 Rb. ja kõlkuse eest 22 Rbl. üttekokko 82 Rbl. hõb. nitade et temma sellest summast 41 Rbl. ja Laas Tamm 41 Rbl. piddanu sama. 

Sellest rahhast ollew temma ütsinta 12 Rbl. 50 Kop. ja temma poig kes päiwiline olnu sanu 5 Rbl., nitade et temma ülle ültse omma jaggo 17 Rb 50 Kop sanu om. 

Karl Wernik tulli ette nink wastutas selle päle, temma ollew Laas Tammega selle ehhituse ülle hinda leppinu, nink olnu nitade: Lauta eest olnu 55 Rb. ja kõlkuse eest 22 Rbl. töö hinda leppitu, ülle ültse 77 Rb. hob. Selle päle ollew Jakob Bauer 14 Rbl. wälja sanu, ent paljo Laas Tamm wälja sanu, sedda ei sa temma mitte ülles anda, enne kui omma rehnungi om läbbikaenu. 

Laas Tamm tunnist et temmal Karl Wernikega se lepping tettu olnu: lauda eest 55 Rb. ja kõlkuse eest 22 Rb. ülle ültse 77 Rbl. 

Jääb selles 10. Januaris s.a. eddesi selletada tunnistuste päle. 

Pääkohtomees Hiskias Tamberg XXX

Kohtomees Jaan Treumuth XXX

  "  Andrus Püwwi XXX

  "  Karl Koch XXX