Protokolli No 60 mano

Kutsmise pääle olliwa ette tulnu Matli Hussar ja selle man saisja Peter Eiche, anniwa üles, et Jakob Eiche selle wõlg raha ära om masnu.

Jaan Eiche and üles, et tema teenitu aja eest kõik palga ära om saanu, ent Hussar om temal 21 päiw ära wiitnu ja nimelt:

1, 4 päiwa röa põimise aigu haige olnu  - suwe päiwa

2, 3 päiwa wellel pulman olnu  -  suwe päiwa

3, 14 päiwa talwel haige olnu.

Matli Hussar ütel röa põimise aigo käe haiguse käen olewat, om siski jälle kotton tööt tennu, om pulman ennegi 2 päiwa olnu ja talwel om ennegi 1 nädal haige olnu.

Jaan EIche pallel selle wasta Jakob Eiche, Jaani poig küsida, kes neide päiwi eest tunnistada woip, mes punktin II ja III omma antu.

Jakob Eiche and tunnistust et Matli Hussar om kül 3 päiwa pulman olnu ja talwel 2 nädalit haige olnu.

Jaan Eiche ütel ennegi 3 rubl. 50 Cop. palka weel masmata olewat, sest 50 Cop. om ütte üra määritu rätti eest maha arwatus saanu, ent mes Hussar mitte perra es anna.

Selle pääle es ütle kohtun käuja enamb midagi ütlemist ollewat, sis

Mõisteti

et Jaan Eiche peap weel selle selletuse perra 2 rubl. 37 kop. wanna palka Matli Hussari hääs 14 päiwa sissen a dato ära masma. ja 1.63 kop. jääp neide ära wiidetu 18 päiwa eest tema palgast Eiche kätte sisse.

Se kohtuotsus saije kohtun käujile kuulutedus ja §§ 773, 774 perra ära selletedus.

päkohtumees Michel Wreeman

kohtumees Hindrek Liiw

        "           Jakob Eiche

                     Kirjotj.: J.Kirrop