Kaibas Mik Hinn, temma poig Isak olnu Linnert Pantaloni mannu karjuses leppitu, ajastaja päle, ent nüüd ollew Linnert Pantalon temma poiga pesnu ja mant ajanu. 

Palk ollu leppitu: 4 Rbl. rahha. 

Temma poig astnu minnewa aastal marja päiwal Linnert Pantaloni tenistuste, nink nüüd märtnapäiwal ollew temma poig koddon; - temma agga ei olle sedda mitte tol kõrral järrelt kohtowannembite omma poija pesmist üllesnäitanu. 

Linnert Pantalon tulli ette nink koste selle päle, temma ei olle mitte Mik Hinni poiga henda mant ärra ajanu ei ka pesnu, ent temma ollew Mik Hinni poiga linnajahwatamise mannu hobbost ajama pandnu, ent Mik Hinni poig ei ollew mitte lännu, ja perrast omma essa mannu lännu, nink mitte ennamb taggasi tulnu, nink nõuwab et Mik Hinn omma poiga Isakut temma tenistuste taggasi annab;

Mik Hinn tunnist, et temma omma poiga mitte ennamb Linnert Pantaloni mannu taggasi ei anna. 

Märt Tedder perrispiddaja tunnist, et Mik Hinn ollew jubba ammugi sedda hendast awwaldanu, et temma Hinn omma poiga Linnert Pantaloni poolt tahhab enne aastat ärra wõtta; nink et Mik Hinni poig Isak tol kõrral pessetu olnu, ollew hopis wõls. 

Otsus: Kunna se awwalik om et Mik Hinn omma poiga selle perrast Linnert Pantaloni mant ärra wõtnu, et perremees sedda mona temmale koddu annab, siis aewas kog. kohus, kunnas Mik Hinn omma poiga tenistuste taggasi ei olle satnu, nink ka taggasi ei anna, siis ei olle temmal ka ennamb middagi nõuda. 

Moistus sai § 773 ja 774 ette loetud. 

Pääkohtomees Hiskias Tamberg XXX

Jaan Akkermann XXX

Karl Raam XXX

Andrus Uddras XXX