Kaibas Samul Kintal, temmal ollew omma poiga Johannit, Karl Mitti pole karjuses antnu aasta päle, ent Karl Mitt ollew temma poiga üts kattesa wori pesnu, nink temma poig ollew temma pole tulnu ja sedda kaibanu. Temma kui latse essa ollew omma poiga mitte koddu jätnu enge tedda omma perremehe mannu taggasi saatnu. 

Karl Mitt sai ette kutsutu nink koste selle päle, temma ei tija sedda mitte et temma Samul Kintali poja Johannile olles liga tennu, ni kui Samul Kintal om kaibanu, ent Johann Kintal, keddas temma mõtsa haggu ragguma saatnu, ollew Annemoisa kõrtsi kaarte mängima lännu. 

Karl Zimmer (lut. usko) tulli ette nink tunnist, et Karl Mitt ollew kül üllekohtuse wiisi Johann Kintali nuhhelnu, mis perris tõtte om, nink temma Karl Zimmer ollew mitto kõrda kulnu, et Karl Mitt mitte poisikesega ni halwal wiisil ümber ei peas käima. 

Se assi jääb tullewas kohtopäiwas eddesi selletadamise alla. 

Pääkohtomees Hiskias Tamberg XXX

Kohtomees Karl Koch XXX

  "  Jaan Akkermann XXX

  "  Karl Raam XXX

  "  Andrus Uddras XXX

Kirjotaja assemel JMaddisson