Protokolli No 68 mano

Kutsmise pääle olliwa ette tulnu Peter Härm ja Jaan Truup nink wiimane and wastust, et tema mitte Peter Härmale oma talo maad 12 aasta pääle rendile lubanu anda ei ole, innegi 1 aasta pääle,  - ent mes Härm wiimate mitte wasta wõtnu ei ole, ja ilma tema teedmata kartohwli maha pandnu ja ennegi 5 päiwa tööd tennu.

Selle pääle es ütle kohtun käuja enamb midagi ütlemist olewat, sis

Mõisteti

et Jaan Truup oma lubamise perra seda maad mitte Peter Härmale rendile andnu ei ole, sis peap Truup se maha pantu seeme katte wõrra, se om 28 wakka kartohwlit eentulewal sügusel ja selle 5 töö päiwa eest 3 rubl. Peter Härma hääs wölja masma.

Se kohtu otsus saije kohtun käujile kuulutedus ja §§ 773, 774 perra ära selletedus.

Pääkohtumees Michel Wreeman

Kohtumees Hindrek Liiw

        "           Jakob Eiche

                     Kirjotj.: J.Kirrop