Michel Rebbane kaebuse asjan Jaan Kõiw wasta ütte allaski perrast, tulli ette tunnistaja Johan Ilwes Pallopera pääkohtomees ja ütlep, et tema om man olnu kui minewal kewadel Jaan Kõiw ütte allaski Jürri Wensteri käest Nustagol ostnu ja 15 Rubla masnu, Jaan Krimp om tedda kutsnud ütten minna Jürri Wensteri manu sest temal ollewad 5 Rubla Wensteri käest saad, Wenster saije allaski eet 15 Rubla ja sest rahast masti teema 5 Rubla Krimpil wõlgo.

Tunnistaja Jaan Krimp Palloperrast ütlep, et minewal kewadel Nustagol Jürri Wensteri mana manu om Jaan Kõiw, Wenstri käest ütte allaski 15 Rbl. eest ostnu, sest temal olnu Wenstri käest 5 Rbl. wõlgo saada ja ene om Wenster pakkunud et tema peas allask ostma, aga perrast om Jaan Kõiw allask ärraostnu ja sest rahast saanud tema oma wõlgo Wensteri käest kätte.

Otsus: Selle et tunnistajide wälja ütlemise perra Jaan Kõiw selle alask om ostnud, aga mitte warrastanud, es woi kog. kohus üttegi trahwi temal mõista ja kaebajale saije tead antus ent kui tema tahap woib se ülle Suuremgale kohtole kaebata.