Protokolli No 78 mano

Kutsmise pääle olliwa ette tulnu Jaan Liiw ja Jakob Teeweer nink wiimane and wastust, et tema seda uuri mitte ostnu ei ole, ei ka selle eest mitte 10 rubl. lubanu massa, Liiw om temale kül seda uuri ennegi proowi pääle paknu mis sis joba ära olnu rikkutu; pälegi om joba se uuri kohtu poolest tema käest ära saanu wõetus, mes Katre Zeno latse ülespidamise hääs kinni olnu pantu.

Selle pääle es ütle kohtun käuja enamb midagi ütlemist olewat, sis

Mõisteti

et Jaan Liiwal selle üle ütteki tunnistust ei ole, et tema uma uuri terwelt Teeweere kätte om andmu, sis tema kaibust sellega tühjas tetta.

Se kohtu otsus saije kohtun käujile kuulutedus

päkohtumees Michel Wreeman

kohtumees Hindrek Liiw

        "           Jakob Eiche

                    Kirjotj.: J.Kirrop