Jakob Urm Wokki wessi weski möldre pois tulli ette ja kaebas et tämba ene katte neddeli om temal weski koddon lae päale kastin lukku alla 24 Rubla raha ollewad ärrawarrasteden ja säält weski pääle üttegi tõise inimesed ei ollewad olnu kui tõine möldre pois Hans Wiks, tema kaebaja Jakob Urm nõuap et Hans Wiks temal raha peas tagasi andma.

Tunnistaja Jürri Nealapää ütlep et tema kül nännu kui Jakob Urm kambre ukse kus raha kast saisnu lukkuga kinni pandnu ja ütten temaga ärratulnu Wokki korten, perrast ei olle tema mitte kõrtsin tagasi weskile saanu.

Kohtomees Gusta Michelson ütlep et Hans Wiksil ollewad kül üts wõtti, kes kambre ukse lukku wallale wõttap, ehk kül Hans Wiks omm salganud, kui temal üttegi wõttid ei ollewad.

Hans Wiks tulli ette ja salgab, et tema rahast mittegi ei teadwad ja wõtnu ei ollewad, sest tema ei ollewad nännu kas Peter Urmil raha olnuu ehk mitte. Sel wahel ollewad ka üts wõõrast mees tulnu a ütte kotti rükke ärawiinu. Raha om kül temal enne olnu, ei ollewad, aga tema ollewad Jaan Krimpsi käest raha minewal pühapäiwal lainanu.

Otsus: Jääb tõisel kohto päiwal.