Lause karja mõisa rentnik Hendrik Zastrow tulli eette ja kaebas et mõisa sullase Märt Inselberg, Peter Uibo ja Hendrik Thär ollewad kõnnelnu et tema H. Zastrow mõisa parki päält istetedu noor tamme raggunu ollewad, kaebaja nõuap et see assi kohto läbi sahas selletedus.

Märt Inselberg, Peter Uibo ja Hendrik Thär tulli ette ja wasta, meie ei olleme mitte sedda üttelnu et Lause karjamõisa rentnik H. Zastrow ne tamme raggunu om, aga sedda olleme meie ja ka müid tõise mõisa sullase nännu et Lause rentnik H. Zastrow ütte koormaga parkist wälja seitsiwa, püid sääl ollewa pääl kas tamme ehk müid puu es näeme meie mitte ja ei olleme ka sedda üttelnu et tamme olli koorma pääle, et Lause rentniko reggil tamme olnu sedda küll nema nännu ollewad.

Mõisa kubja Pritzo Kärner ütlep, et tema ei olle miite sedda kõnnelnu et töömehe üttelnu et nema nännu kui Lause karjamõisa rentnik parkist tame warrastanu ehk raguda lasknu, tema üttelnu mõisa sullase kõnneliwa et Laus rentnik H. Zastrow ütte koormaga süggil parkist wälja seitnu sedda ollewad nema nännu aga mis puid koorma pääle olnu ei olle ne mehe üttelnu.

Lause karja mõisa rentnik H. Zastrow ütlep, et temal lubatu süggise parki päält sarapuu pihli- ja toomi-puu ragota ja sedda ollewad tema sullase raggunud, aga noori istutedu tamme puu ei olle tema raguda lasknu.

Tunnistaja Kristo Normann ütlep et tema om parki pääle sarapuu, pihli- ja toomepuu ragunu, tamme puu ei olle temal käsknu raguda ja ka tema ei ollewad neid taggunud.

Tunnistaja Alexei Kaho ja Jaan Kruse ütlep nenda samoti kui Kristo Normann om wälja üttelnu.

Otsus: Jääb pääli tõise kohto päiwa pääle selle et kaebaja tahap weel tunnistaja ette tuwa.