Werro koggokonna kohtun sel 22 novemb 1883.

Man olli Päkohtumees A Nawwi

                Kohtumees    J. Rinne

                Kohtumees     J. Lood

Ette tulli Ludwig Jännes Wanast Koiolast ja kaibas et tunistaja P. Zopp ja Peter Jüperra Tartu Kreisi V Kihelkonna kohtu en tunistust andnu omma et mino pant pabber tolle ajaliste Päkohtumihe kätte walja om antu koggokonna raud kappist nink et nüüd Johan Juperra koolnu om sis nowwa mina nimitedu pabberid  ehk 27 rbl raha Johan Juperra perrijide käest. Pabber olli mino kaen 25 rbl eest nink senna mano om 2 rbl sõidu raha nink prozenti mano arwatu.

Hindrek Juperra Johan Jüperra poig  nink perrija olli ka ses päiwas tulnu sai ette kutsutus nink se uttel et mina nimitedust pabberist middagi ei tija ei ole sedda ka mino essa kraami seest leudnu. -

Ludwig Jannes ütles et se nimitedu Pabber olli mino käen 100 rbl eest pandin nink olli 6 prozendi massa leppitu.

                                                                          Moisted

Hindrek Jüperra peap Ludwig Jännessele 27 rbl raha ehk pandi pabber ärra andma.

Se moistmine § 773 ja 774 perra molembile kulutedu.

Hindrek Juperra es ole rahhul tahap surembahe kohtuhe minna mille tarwis oppusleht wälja anti. -

                                                Päkohtumees A Nawwi  XXX

                                                    Kohtumees J Rinne

                                                    Kohtumees  J. Lood  XXX

                                                     Kirjotaja M Melz