XII Kirjutaja Briks kaebap temma om rehhemanu nänu üx kott ja üx mersis lõudnun hainoga ja üx naine om üttelnu "palle andeks". ja Briks om lõdnu üx hobbone. Selle hobbose man olli Jaan Jürgensohn. Se üttlep et Peter Juust om temma ma käinu ja om pallelnu üx hobbone selja seitma ja kutsus tedda rehhemanu. Siis lex Jaan Jürgensohn ja wõttis sedda kott täis ja wallalist haina.

Mõisapereemand sai kutsutu nink kõnneles et karja tüdruk Liis Pihlik om üttelnu kui nemma küni sisse tulliwa, kas ne haina kottiga olliwa " a ha juba haina om ärra wõetud". 

Mihel Peet om andnu 4 K. eest napsi Peter Juustil ja Wilhelmil Kutsar hainu künist warrastade.

Wilhelm Kutzar sai ette kutsutu ja üttles et kubjas om tedda ja Petrit Juust saatnu jalgsi pewe ajada ja temmale üx hobbone tallitada. Wilhelm piddi Tamme majan minnema ja Peter Nustagole, nemma leziwa mõllemba enne Nustagole ja siis Tamme majan. Kubjast om neil kesknu ütte mers täis pandnu enda seitmisse tarwis ja teine mers om awa nemma enda tarwis täis pandnu.

Peter Juust kasan üttlep: et Peter Juust Wilhelm Kutsar ja Mihel Rett omawa nõuw piddanu ja Mihel om napsi andnu 4 K. eest.