Werro koggokonna kohtun sel 13 februaril 1884.

Man olli Päkohtumes A Nawwi 

               Kohtumees   J Sibbol

                Kohtumees  J Rinne

Ette tulli Ann Wahher Kaarli läsk /mansaisja tema nüüdne mees Ado Wahher/ nink kaibas et wöörmündre omma Waaksi maja metsast 80 palgi puud ärra riknu niwisi et omma ärra tahonu ja kuijowa nüüd pu ärra nink nõwwap nüüd Ann Wahher Wöörmondrid Jaan Koiwsaar nink Johan Joweer kahjo tasomisele sundi kahjo om 160 rbl.

Wöörmöndre Jaan Kõiwsaar ja Johan Jõweer ütlese meije piddime üles luggema paljos palgi puid Waaski talo metsast saap sest neid olli rihhe tarre ehhitamise tarwis waja ja olemi weidekese köört maha loonu tähes et sedda puud mittu kõrd ei sa loetus, neist tähhendetuist puist om Ado Wahher ossa nüüd ärra raggonu nink neid olli tolkõrral kul 80 puud. -

Ann Wahher ütles et neist palgest mes wöörmondri lubbasi tarre ehhitamise tarwis wiland es sa nink wöörmöndri rohkemb es luppa selle jäi tarre teggemata. -

Ado Nawwi om sääl käunu üle kaeman nink ütles et ni paljo es olnu puud tarwis tahoda kui nema tahonu omma sest et se puule läsa sisse teep.

Kohtumees Jaan Rinne tunistas et nimitedu tahomine middagi kahjo ei te. -

                                                                    Otsus:

Suremba hulga häältu ütlemise perra arwap koggokonna kohus Ann Wahher kaibust tühjas.

Se moistmine § 773 ja 774 perra mõlembile kulutedu. -

Ann Wahher es ole rahul tahap surembahe kohtuhe minna mille tarwis oppus leht wälja lubbati. -

                                             Päkohtumees A Nawwi  XXX

                                                Kohtumees  J Sibbol

                                                Kohtumees   J Rinne

                                                  Kirjotaja M Melz