Werro koggo konna kohtun sel 26 märzil 1884

Man olli Päkohtumees A. Nawwi

                  Kohtumees  J Sibbol

                  Kohtumees   J Rinne

Ette tulli Michel Lood ja kaibas et Jaan Lilloweer om minno löönu nink pallep Jaan Lilloweert sädusliku trahwi ala panda.

Jaan Lilloweer om ka ses päiwas kutsutu om tulnu nink ütles et minna Michel Loodle löönu ei ole.

Jaan Lilloweer seletas et mina tulli kroonu metsast pu koormaga sis tulli Michel Lood ja Jaan Zopp nink Tannil Welak nink tahtse minno pessa ja Mihel Lood wot jobba ohja kinni sis lei mina hobbesele ni et se Mihel Lood käest wallale käksas sis jai Mihel Lood maha nink sis ai Mihel Lood mino naist takkan nink ne toise astewa ka minol takkan.

Michel Lood ütles et tema metsa wahi poolt käsku selle kinni wotmise tarwis saanu ei ole ja Zopp nink Welak tulli ka ütten kinni wõtma. -

Jaan Zoppa nink Tannil Welak ei wotta koggo konna kohus Talorahwa säduse § 838 perra tunistajas wasta. -

                                                                              Moisted.

Michel Lood lääp 2 öös päiwas koggo konna türmi, selle perrast et temma ilma metsa wahhi käskmata ja ameti täheta om(m)a jõwwuga te pääl kinni wotma läts wait et temal kurja tegija tunda olli sis andnu sedda metsa wahhile üles nink lasknu tedda metsa wahil kinni wõtta ja kurja tööd üle kaeda. -

Se moistmine § 773 ja 774 perra kulutedu.

Michel Lood es ole rahul tahap surembahe kohtuhe minna mille tarwis ärra kirri wälja lubbati. -

                                        Päkohtumees A. Nawwi  XXX

                                        Kohtumees     J Sibbol

                                        Kohtumees     J Rinne

                                           Kirjotaja M Melz