Werro koggo konna kohtun sel 16 april 1884.

Man olli Päkohtumees A. Nawwi

                Kohtumees    J Sibbol

                Kohtumees    J Rinne

Kutsutu Michel Ritsar ja Mai Tabbin man saisja Michel Mõtsherg omma tulnu protokol Nr 85 perra.

Michel Ritsar ütles et mina kassa presitent ei ole sest mino  asemele sai Werro liinast peker Meistre Blumberg liikmide koos olekul sel 23 julil 1882 presitendis walitus nink omma kassa ramatu ka sest sadik Blumbergi käen nink ei woi mina nuud middagi wastutada selle perrast et minna kassa presitendi ameti kaest ärra ole andnu, nink ei ole mina Mai Tabbina käest raha wasta wõtnu.

                                                                                                Otsus:

Et Blumberg kassa ramatuid henda käen hoijap sis om arwata et temma sellega ütten presitendi ameti wasta om wõtnu nink selleperrast Mai Tabbina kaibust siin koggo konna kohus wasta ei wõtta. -

Se otsus § 773 ja 774 perra kulutedu.

Mai Tabbin es ole rahul tahap eddasi kaiwata mille tarwis ärra kirri wälja lubbati. -

                                                        Päkohtumees A. Nawwi

                                                        Kohtumees     J Sibbol

                                                        Kohtumees     J  Rinne

                                                            Kirjotaja M Melz