Werro koggokonnan sel 14 mail 1884.

Man olli Päkohtumees A. Nawwi

               Kohtumees     J. Sibbol

               Kohtumees     J Rinne

Ette tulli Michel Ritsar nink and üles et mino sulane Gusta Lepp om mino mant tenistuiste lepnu nink tenistuse aig alost sest 25 märzist s.a. koni 25 marzini 1885 nink palk olli leppitu 25 rbl nink tulli Gusta Lepp kül tenistuiste ja kui kats näddalat olli teenu sis läts tema mino mant tenistusest ärra sis nõwwa mina nüüd Gusta Lepp käest omma kahjo 120 rbl.

Gusta Lepp 19 aastane olli ka tulnu mansaisja Peter Sibbol nink ütles et mina sääl teeni es jowwa sest töö olli rasse nink söök olli ka kõhn. Selle perrast tulli mina ärra.

Lepmine om olnu sel 17 januaril 1884 Gusta Lepp ütles, et wanale perremehele weel üles üttelnu ei ole enne lepmist. 

Michel Ritsarel tunistus tähte Leppa käest es ole et tema wanale perremehele üles üttelnu om.

                                                                                           Moisted

Koggo konna kohus moistap talorahwa säduse § 367 ja 368 perra Michel Ritsare kaibust tühjas selle perast et tema ilma wanale perremehele üles ütlemise tunistuseda Gusta Leppa tenistuiste lepnu om.

Se moistmine § 773 ja 774 perra molembile kulutetu.

Michel Ritsar es ole rahul tahap surembahe kohtuhe minna mille tarwis oppus leht wälja anti. -

                                         Päkohtumees A. Nawwi  XXX

                                          Kohtumees    J. Sibbol

                                          Kohtumees     J Rinne

                                             Kirjotaja M Melz