Etti tulli Kondra Peter Sarwa, Länitsest, kea jobba kümme ajastad taggasi eddiminne pool Maja poea Johani kätte olli andnu ja paari ajasta est kah töine pool Maja töise poea Jaani kätte kiige Kramiga olli ärra andnu, ni kui nimmelt:

Willi, mis allale olli nink Süggisi sai jaggati eggaütte Poeale pooles.

Jaani est sai 400 Rubl. wäljamaksetud, et tedda Nekrutist pri osta wois, ketta rahha agga Issa ja Jaani Warrandussest wälja makseti.

Selle perrast, et Issa Peter om tähhelepandnu, et Poead ei tahha hämelega temmale ja temma wanna Naisele tarwilikku Uellespiddamist Jaos laske, wait allati selle perrast kottun Tülli om, pallel temma kohhud, temmale üts Jaggu arwata, ketti poea temmale peawad egga ajasta wälja maksa nink kätte andma, ja andis essi ülles, mis temmale ja temmale Naise Uellespiddamisse päle tarwis ollesi ja kiige sündsamb tallitasa, nimmelt:

Et eggaüts poeg peab egga ajasta päle, Issale maksma 37 Rubl. 50 Cop. hõb. mis siis 75 Rubl. wälja teeb.

nink ülle mõllembide poea 1 Wakka alla Aiamaad andma, kos kartowlid ja kapstid kaswada woiwad;

nin peawad mõllembad poead kokko, töine töise ajasta 1 lehm ja 1 lammas Issale ülles piddama; nink et Issa woib 1 Zigga hendele piddada, peab toine ja toine poeg egga asta 5 Wakka Hagganid, kokko 10 Wakka Ziahagganid, issale andma.

Sedda Naudmist es arwata KoggoKonnaKohto poolest ja Wallawallitsusse poolest, mitte liig sures ollewat.

Selle päle kutsuti mõllemba poea, kui Jaan ja Johan sisse, ja loeti neile ette, se Issa kaest saanud Warrandust, ketta nemmad õiges tunnistasid, ni kui kah, kui paljo neile Issa ja Imma Uellespiddamisse päle egga ajasta maksa ja anda tulleb.

Et se niida õige om, tunnistawad omma Kaega

Jaan Sarwa XXX Peter Sarwa XXX

Peter Kutzari XXX Jakob Hanson XXX Peter Akkert XXX Wid. Harkmann XXX

Jaan Tennosar XXX Jakob Naggel XXX Peter Laar XXX