Ette tulli mõtsa esand Dudorowsky ja and kaibust, et Peep ruus om mõtsast warastanu 4 kuust ümbre kaldunu puu ja tõist kõrd and mõtsa waht üles et olewat warastedu 5 kuust 1. 8 tolli paks tõine 6 tolli ja 3 kuust 5 tolli paks 30 jalga pikka ja tema nõud nüüd mõtsa kroonu taksi perra 18 Rbl. 38 Kop. ülle katte warguse.
Peep Ruus Wastselinast wastud kaibuse pääle et tema ei ole mitte midagi warastanu enge om omast mõtsast küll puid toonu ka es ole se mitte kuus, kost mõtsa esand tükki ära lõikas enge olli pettaja laddew, ka es olegi täll lubba mitte tüwwe puid kostgi raggoda, ja selle üle ei wõi tema üle ka mitte kaiwada, sest tema ei tija ka mitte kes seda kraami tema maa pääle om wedanu, ja nee puu ei ole ka temma mis kartowli kooba laes omma tettu, nee olliwa perenaise jaggo, sest tema om ennegi rentnik, mitte esi maja pidaja. tema and tunnistaja Tannil Espe.
Tunnistaja Tannil Espe üttel wälja et se kartowli koob ei ole mitte Peep Ruus jaggo, enge om Ann Udras jago, ja tema om küll se kardowli koob tennu ja puu omma Ann Udras mõtsast raotu.
Tikka mõtsawaht Jürri Räppin and tunnistust, et tema mitte täwwelikult ei wõi tunnista, kes ne palki Peep Ruus maa pääle om widanu ja se kartowli kooba puije ülle ei wõi tema ka tunnistust anda, et ne mõisa mõtsast omma ja ne kodo puu mõõdu es sünni ka mitte kokko.
Mõistus:
"Tunnistuste perra om mõtsa esand kaibus tühjas arwatu."
Se kohtu mõistus om §773 ja 774 perra kuulutedu ja oppusleht wälja antu.
Pääkohtumees: K. Lõhmus [allkiri]
Kohtumees: T. Pilt [allkiri]
Kohtumees Jaan Oppar XXX
Kirj. asemel R. Normann
Ette tulli mõtsa esand Dudorowsky ja and kaibust, et Peep ruus om mõtsast warastanu 4 kuust ümbre kaldunu puu ja tõist kõrd and mõtsa waht üles et olewat warastedu 5 kuust 1. 8 tolli paks tõine 6 tolli ja 3 kuust 5 tolli paks 30 jalga pikka ja tema nõud nüüd mõtsa kroonu taksi perra 18 Rbl. 38 Kop. ülle katte warguse.
Peep Ruus Wastselinast wastud kaibuse pääle et tema ei ole mitte midagi warastanu enge om omast mõtsast küll puid toonu ka es ole se mitte kuus, kost mõtsa esand tükki ära lõikas enge olli pettaja laddew, ka es olegi täll lubba mitte tüwwe puid kostgi raggoda, ja selle üle ei wõi tema üle ka mitte kaiwada, sest tema ei tija ka mitte kes seda kraami tema maa pääle om wedanu, ja nee puu ei ole ka temma mis kartowli kooba laes omma tettu, nee olliwa perenaise jaggo, sest tema om ennegi rentnik, mitte esi maja pidaja. tema and tunnistaja Tannil Espe.
Tunnistaja Tannil Espe üttel wälja et se kartowli koob ei ole mitte Peep Ruus jaggo, enge om Ann Udras jago, ja tema om küll se kardowli koob tennu ja puu omma Ann Udras mõtsast raotu.
Tikka mõtsawaht Jürri Räppin and tunnistust, et tema mitte täwwelikult ei wõi tunnista, kes ne palki Peep Ruus maa pääle om widanu ja se kartowli kooba puije ülle ei wõi tema ka tunnistust anda, et ne mõisa mõtsast omma ja ne kodo puu mõõdu es sünni ka mitte kokko.
Mõistus:
"Tunnistuste perra om mõtsa esand kaibus tühjas arwatu."
Se kohtu mõistus om §773 ja 774 perra kuulutedu ja oppusleht wälja antu.
Pääkohtumees: K. Lõhmus [allkiri]
Kohtumees: T. Pilt [allkiri]
Kohtumees Jaan Oppar XXX
Kirj. asemel R. Normann
